"Türkiyənin PKK ilə bağlı reaksiyasını və atdığı addımları dəstəkləyirik". Belə bir bəyanatla İslam Demokrat Partiyasının sədri Hacı Tahir Abbaslı çıxış edib. O bildirib ki, Türkiyə hakimiyyəti bir qədər ləngisə də atdığı addımla haqq-ədaləti qorumaq gücündə olduğunu göstərdi: "Hesab edirəm ki, Türkiyə geri çəkilməməli və PPK-nın bazalarını ləğv etməlidir. Üstəlik terrorçularoın İraq ərazisindən istifadəsinə son qoyulmalıdır".

ABŞ-ın bu məsələdə tutduğu mövqeyə münasibt bildirən partiya sədri deyib ki, Buş hakimiyyəti bu məsələdə də öz maraqlarını nəzərə almağa çalışır: "Amerika terrorçuluqla mübarizə adı altında Əfqanıstana, ardınca da İraqa girdi və demək olar ki, bu ölkələri işğal etdi. Hər kəsə də bəllidir ki, ABŞ -ın əsl məqsədi terrora qarşı mübarizə deyil. Amma Türkiyənin əsl terrorla üz-üzə qaldığını qəbul etmək istəmir və bu ölkəyə cidd-cəhdlə mane olmağa çalışır".

İDP sədri onu da bildirib ki, Türkiyənin adtığı addım Azərbaycan üçün də örnək olmalıdır: "Əslində biz də erməni t erroru ilə üz-üzəyik. Onları işğal etdikləri ərazidən vurub çıxarmaq haqqımızdır. Digər tərəfdən bizdən fərqli olaraq Türkiyə əhalisi də təpki göstərdi və hakimiyyəti PKK-ya qarşı mübarizəyə məcbur etdi".