Qafqaz Müsəlmanları İdarəsinin sədri, şeyxülislam Allahşükür Paşazadə, Moskva və bütün Rusiyanın patriarxı Kirill və bütün ermənilərin katolikosu II Qaregin arasında görüş başa çatıb

-nın məlumatına görə, üçtərəfli görüşdən sonra brifinq keçirilib.

Brifinqdə çıxış edən patriarx Kirill görüşün çox uğurlu keçdiyini, müxtəlif məsələlərin, əsasən də Dağlıq Qarabağ münaqişəsinin həlli yollarının müzakirə olunduğunu deyib: "Bugünkü sammit çox düzgün və vaxtında gerçəkləşmiş təşəbbüsdür. Sammit çərçivəsində keçirilən üçtərəfli görüş uğurla nəticələnib. Birgə Bəyannamənin imzalanması buna sübutdur. Dini rəhbərlər siyasi hakimiyyətə malik deyil, onlar ordunu bu və ya başqa istiqamətə hərəkət etdirə, dövlətin gücündən istifadə edə bilməzlər. Lakin onların başqa xüsusi imkanları var – inanclı insanlara çox yaxın olan dəyərlərə, ideallara müraciət etmək. Üç dinin nümayəndələri görüşüb bir çox məsələ haqqında razılaşırsa, bu, bütün inanclı insanlara vacib siqnaldır. Biz ümid edirik ki, bu siqnallar barışa, gərginliyin azaldılmasına və ən əsası siyasi liderlərin münaqişənin həllinin bütün məsuliyyətini öz üzərlərinə götürərək razılığa gəlməsinə zəmin, xoş atmosfer yarada bilər".

Kirill bildirib ki, Bəyannamənin müddəaları çox vacibdir: "Biz ümid edirik ki, bu sənədin ruhu siyasi danışıqların atmosferinə də təsir göstərəcək".