İslam.az günün duasını təqdim edir:

Pərvərdigara! Peyğəmbərlərə itaət edib onları səmiməyyətlə təsdiq edənləri, çətinlikdə, düşmənlərin peyğəmbərləri təkzib etdiyi anlarda Peyğəmbərlərlə qalanlara, Adəmdən Muhəmməd (s)-in zamanınadək göndərdiklərini qəbul edənləri, hidayət rəhbərlərini təsdiq edənlərin hamısını əfv edib onlardan razı qal.

Pərvərdigara! xüsusilə Muhəmməd (s)–in səhabələrindən, onlar ki, o həzrətə yardım edib dəvətini qəbul etmək üçün bir-birindən irəli, keçdilər, risalətlərinin dəlillərini onların qulaqlarına çatdırdıqda dəvətini qəbul etdilər, sözünün ucalması üçün əhli-əyalından ayrıldılar, nübüvvətinin dirçəlməsi üçün ata və övladları ilə döyüşə girişdilər,onun vücudunun bərəkətindən döyüşlərdə qalib olduqları, qəlblərində onun sevgisini bəslədilər, onun eşqində kasad olmayan bir ticarətə ümid etdilər, ona ürək bağlayanda qohumlarından ayrı düşdülər.

Pərvərdigara! Sənin yolunda Muhəmməd (s) səha-bələrini əldən verdiklərini lütfünün nəzərindən uzaq etmə, onları razı qalmağınla razı et. İnsanları dininə dəvət edib dinin yolunda öz şəhər və diyarlarından uzaq düşmələrinə, rahatlıqdan çətinliyə düşmələrinə, dininin ucalması üçün zülm gördüklərinə görə onlara mükafat ver.

Pərvərdigara! İman, əxlaq və əməldə ona itaət edib: «İlahi, bizi və imanda bizdən irəli keçən qardaşlarımızı bağışla» deyənlərə özünün ən yaxşı muzd və əcrini əta et, səhabələrin yolunu tutanlar və onların adətlərini tələb edənlərə, onların yolu ilə həyatlarına rövnəq verənlərə, əqidələrinə heç bir şəkk-şübhə qatmayanlar, onların yardımçıları, dində onlarla müvafiq olanlar, nəzər birliyi olanlar.

Pərvərdigara! Öz tərəfindən tövbə edənlərə, bu gündən qiyamətədək səlavat göndər, bir səlavat ki, onun vasitəsi ilə onları günahdan saxlayasan və öz Behişt bağlarında onlara rahatlıq verəsən, Şeytanın hiyləsindən onlara pənah verəsən, hər bir xeyir işdə səndən kömək istəsələr onlara yardım göstər, gecə-gündüzün şərrindən onları hifz edəsən, məgər xeyir işlərindən savayı, həmin səlavatınla onları etiqadlarında saxla ki, yalnız Sənin ümidinə göz diksinlər, Sənin yanındakılara bağlansınlar, Sənin yanında olanlardan xalqa verdiklərinə görə bədgüman olmasınlar, elə et ki, şövqləri yalnız Sənə və qorxuları yalnız Səndən olsun, əldən gedən dünya rahatlığına onları rəğbətsiz et, o dünya üçün iş görüb ölümdən sonraya hazır olmaları üçün qəlblərinə məhəbbət sal, onları bəla və əziyyətlərdən qurtar, Cəhənnəm odunun çətinliyindən və orada həmişəlik qalmaqdan onları hifz et və onları təqva əhlinin əmin-amanlıq yerinə göndər.