QUEST NET və sairə bu kimi piramida şəbəkələrinə qoşulmaq və bura pul yatırmaq, qazanc götürmək olarmı?

Piramidaya daxil olanlar məcburən ora müəyyən qədər vəsait yatırmalıdırlar. Hər kəs özündən sonra tələb olunan qədər adamı şəbəkəyə gətirə bilsə, yəni özündən sonrakı “qanadları” qursa, ona müəyyən qədər pul verirlər. Beləcə, hər kəs özündən aşağı mərtəbədə duranların yatırımını mənimsəyir. Piramidanın yuxarı mərtəbəsində olanlar yaxşı qazanc götürürlər. Amma nə zamansa piramida dağılır. Bu zaman piramidanın aşağı mərtəbələrində olanlar heç nəsiz qalırlar, pulları batır. Beləcə, minlərlə insanın pulu hesabına az sayda adam külli miqdarda gəlir götürür. Bu, fırıldaqdır və dünyəvi qanunlarla da əksər ölkələrdə qadağan edilib.

Bu cür şəbəkələrə daxil olmaq, onları təbliğ etmək və başqalarını bu şəbəkələrə çağırmaq günahdır. Bu şəbəkələrdən qazanılan pul da haramdır.

İslam.az